Ngatanan nga 11 electric cooperatives sa Rehiyon 8, ginbabana-bana nga magpapatuman sin increase san sukot sa kuryente yana nga Hulyo, sumala san grupo san electric cooperatives sa Eastern Visayas, an Federation of Rural Electric Cooperatives in Region 8 (FRECOR), sa ginhimo sini nga presscon san una nga adlaw.
Sumala san FRECOR 8, an umento tungod san paghitaas liwat
san ginsusukot nga Line Loss and Congestion Charge (LLCC) san Wholesale
Electricity Spot Market (WESM) sa mga electric cooperatives, nga gintutuyangan
sa ilarom san Electric Power Industry Reform Act o an EPIRA law.
An Biliran Electric Cooperative an ginsusugad nga
magkakayaon sin pinakamahal nga kuryente sa PhP24.3 per KWH, o increase nga
PhP9.2 yana nga Hulyo, samtang an SAMELCO 2 an posible nga may pinakahitaas nga
increase sa PhP9.5 kada kilowatt, sumala pa sa FRECOR.
Adi an gin babana-bana nga power rate increase sa mga
electric cooperatives sa Eastern Visayas yana nga bulan:
BILECO - PhP24.3457 tikang sa PhP15.1176
SAMELCO 2 - PhP23.0182 tikang sa PhP13.4918
DORELCO – PhP21.7594 tikang sa PhP13.9393
𝐍𝐎𝐑𝐒𝐀𝐌𝐄𝐋𝐂𝐎
– 𝐏𝐡𝐏𝟐𝟎.𝟏𝟔𝟕𝟎
𝐭𝐢𝐤𝐚𝐧𝐠
𝐬𝐚
𝐏𝐡𝐏𝟏𝟓.𝟕𝟏𝟖𝟑
LEYECO 3 – PhP20.0210 tikang sa PhP15.1305
LEYECO 5 – PhP19.9334 tikang sa PhP13.1394
SOLECO – PhP19.8483 tikang sa PhP16.5712
LEYECO 4 – PhP19.6985 tikang sa PhP15.9958
SAMELCO 1 – PhP17.1835 tikang sa PhP12.4145
ESAMELCO – PhP18.4926 tikang ha PhP14.4326
LEYECO 2 - PhP13.2593 tikang sa PhP11.4805
Antes pa an anunsyo san FRECOR, nag-apelar na an Gobyerno
Probinsyal ngadto sa NEA nga buligan an NORSAMELCO nga magiyahan an mga
desisyon sini, tungod nga apektado an komunidad, mga negosyo ngan industriya sa
probinsya san sobra nga kahitaas san presyo sa kuryente.
An buhatan ni Cong. Edwin Ongchuan nagpasar na liwat sa
Kongreso sin Resolusyon No. 889 nga naghahangyo sin komprehensibo nga review
san line rental charges ngan House Bill 864 nga nagtutumuyo nga tanggalon an
VAT san ginbabayaran sa kuryente, nga mao an pira san mga gintutuuhan nga
nagdudugang san presyo sa kuryente.
San Hunyo, una na nga naghatag sin pagkaalarma sa publiko an
tigda nga paghitaas san sukot sa kuryente dinhe sa probinsya. An panibag-o nga
increase yana nga Hulyo, dugang nga naghatag sin pagkabaraka sa mga
kunsumedores tungod nga panibag-o na liwat ini nga ayat sa komunidad.
For more news and updates, visit:
►http://northernsamar.gov.ph
Subscribe to our YouTube account: ►https://www.youtube.com/channel/UCRkURQbWNWtVo9rrAIdnlnA
Like our Facebook page:
►PGNS: https://www.facebook.com/PGNS.Official
Follow us on Twitter:
►https://twitter.com/nsamarpio