Nagpapadayon an Tax Amnesty on Real Property sa ilarom san Real Property Valuation and Assessment Reform Act (RPVARA) tubtob Hulyo 5, 2026.
Sa Section 30 san RPVARA, gin-ootorisar san gobyerno an
amnestiya sa real property tax diin diri api san susukuton an penalidad
(penalties), surcharges ngan interes sa mga buwis sa tuna (real property tax)
nga natirok antes nagin epektibo an balaud. An RPVARA nagin epektibo san Hulyo
5, 2024. Ini nga amnestiya poyde matagamtaman sulod la sin 2 katuig tikang san
implementasyon san balaud o tubtob na la sa Hulyo 5, 2026.
Dire naman api sa tax amnesty an mga propriyedad nga:
gin-auction para mabayaran an mga unpaid property taxes; mga propriyedad nga
nahidadabi sa compromise agreement para sa delinquency payments; ngan adton api
sa mga kaso tungod sa real property tax delinquencies.
Para san kadugangan nga kasayuran bahin san Tax Amnesty,
kumadto sa Provincial Treasurer’s Office o sa iyo tagsa nga mga Municipal
Treasurer’s Office.
For more news and updates, visit:
►http://northernsamar.gov.ph
Subscribe to our YouTube account: ►https://www.youtube.com/channel/UCRkURQbWNWtVo9rrAIdnlnA
Like our Facebook page:
►PGNS: https://www.facebook.com/PGNS.Official
Follow us on Twitter:
►https://twitter.com/nsamarpio