Bilang pagpapatuloy ng diwa ng pagtutulungan at pagkilala sa kahalagahan ng mga kababaihan, isinagawa ngayong araw, Abril 17, 2026, sa pangunguna ng Pamahalaang Panlalawigan ang Caravan Para kay Juana sa Silvino Lubos, na naghatid ng libreng serbisyong medikal, legal, pangkabuhayan, mga pananim, supplies at dagdag na kaalaman para sa mga kababaihang kabilang sa indigent na sektor. Naging mahalagang pagkakataon ito para sa maraming Juana upang mas mapalapit at makinabang sa mga serbisyong hatid ng pamahalaan.
Ipinakita ng inisyatibang ito ang pagsuporta ng Pamahalaang
Panlalawigan ng Northern Samar at ang paninindigan na ang pagkilala sa mga
kababaihan ay hindi natatapos sa buwan ng mga kababaihan, kundi isang
tuloy-tuloy na adbokasiya na isulong ang inklusibong pag-unlad at empowerment
para sa bawat kababaihan ng probinsya, kasama na ang kanilang mga pamilya.
Sa pangunguna ni Governor Harris Ongchuan, kasama si
Congressman Edwin, Bise Gobernador Clarence Dato at mga Board Members, Ms. Bles
Ongchuan, Provincial Social Welfare and Development Office (PSWDO) at iba pang
departamento ng Pamahalaang Panlalawigan, katuwang ang LGU Silvino, iba't ibang
ahensya ng gobyerno, pribadong sektor, at mga organisasyon, naging mas malapit
at mas accessible ang mga serbisyong direktang tumutugon sa pangangailangan ng
mga Juana ng Brgy. Cababayogan at Genagasan ng Silvino Lubos.
Sa mga naging bahagi ng makabuluhang serbisyong eto,
maraming maraming salamat!
