Asosasyon sa San Jose nagkarawat sin Agri-Fishery Inputs tikang sa Gobyerno Probinsyal

Sayo na naman nga asosasyon an nagkarawat sin nagkakantidad 100,000 pesos nga agri-fishery farming tools, ekipahe ngan makina tikang sa Gobyerno Probinsyal pinaagi san Provincial Economic Development and Investment Promotions Office (PEDIPO) sa ilarom san Barangay Livelihood Empowerment and Sustainability (BLES) Program.

Ginturn-over sa Tulungan ng Iba't-Ibang Sektor Para sa Bagong Pangarap Association sa bungto san San Jose, Northern Samar san dire pala maiha an nasabi nga mga gamit sa pagpangisda nga ginpangunahan ni Governor Harris Ongchuan pinaagi kan Vice Governor Clarence Dato, kaupod si Board Member Vicvic Singzon.

An turn-over kabahin san padayon nga inisyatibo san Gobyerno Probinsyal nga paghatag sin konkreto nga suporta sa mga community-based organizations nga naghihingyap mapauswag an panginabuhi ngan maparig-on an lokal nga ekonomiya. Pinaagi san paghatag san mga farming inputs, ginlalaoman nga mapapabaskog an operasyon ngan kapasidad san asosasyon, ngan madugangan an kita san mga miyembro.

Ini nga inisyatibo sayo nga importante nga pitad para sa padayon nga pagpapakusog san agri-based industry sa probinsya, ngan sa pagsulong san inklusibo ngan sustainable nga kauswagan sa bug-os nga Norte san Samar.

An Tulungan ng Iba’t-Ibang Sektor Para sa Bagong Pangarap Association nagpasalamat san dako nga suporta nga ira nakarawat, ngan ginpahayag nga ini nga higayon dako an maibubulig sa pagpauswag san ira operasyon ngan pag-angat san kahimtang san ira mga miyembro.

For more news and updates, visit:
 ►http://northernsamar.gov.ph

 ►http://www.budyong.com

 Subscribe to our YouTube account: ►https://www.youtube.com/channel/UCRkURQbWNWtVo9rrAIdnlnA

 Like our Facebook page:
►PGNS: https://www.facebook.com/PGNS.Official

Follow us on Twitter:
 ►https://twitter.com/nsamarpio